गाजामा युद्धविरामको २४ घण्टा पूरा, हमासले थप कैदी रिहा गर्ने

काठमाडौँ। इजरायल र हमासबीच लागू भएको युद्धविरामको २४ घण्टा सफलतापूर्वक पूरा भएको छ। यसैअन्तर्गत हमासले थप प्यालेस्टिनी कैदीहरू रिहा गर्ने तयारी गरेको छ।

युद्धविरामको पहिलो चरणअन्तर्गत गाजामा ठूलो मात्रामा मानवीय सहायता पुर्याउनुपर्ने थियो। तर युनिसेफका अनुसार सयौं ट्रक मानवीय सहायतासामग्री लिएर अझै पनि सीमामा पर्खिरहेका छन्। यसबीच हजारौं प्यालेस्टिनी विस्थापितहरू आफ्ना घरतर्फ फर्कने कठिन यात्रा अझै जारी राखेका छन्।

अन्यतर्फ, इजरायली सेनाले दक्षिणी लेबनानमा राति हवाई आक्रमण गरेको जानकारी दिएको छ। सेनाका अनुसार उनीहरूले हिज्बुल्लाह आतंकवादी संरचनालाई लक्षित गरेका हुन्। लेबनानी मिडियाका अनुसार यस आक्रमणमा एक जनाको मृत्यु भएको र सात जना घाइते भएको छ।