रूपन्देही–३ उपनिर्वाचन: निर्वाचन आयोगद्वारा विस्तृत कार्यतालिका सार्वजनिक
रूपन्देही–३ उपनिर्वाचन: निर्वाचन आयोगद्वारा विस्तृत कार्यतालिका सार्वजनिक कात्तिक १७ गते उपनिर्वाचन, असोज २१ देखि उम्मेदवारी प्रक्रिया सुरु
रूपन्देही, ४ साउन २०८२ — निर्वाचन आयोगले प्रतिनिधि सभा निर्वाचन क्षेत्र नं. ३, रूपन्देहीका लागि आगामी कात्तिक १७ गते हुने उपनिर्वाचनको विस्तृत कार्यतालिका सार्वजनिक गरेको छ। यसअन्तर्गत उम्मेदवार मनोनयनदेखि मतगणनासम्मका सम्पूर्ण प्रक्रिया निश्चित गरिएको छ।
उम्मेदवारी दर्ता र नामावली असोज २१ गते (१०:००–१७:००): उम्मेदवारले निर्वाचन अधिकृतको कार्यालयमा मनोनयन दर्ता गर्न सक्नेछन्।
असोज २१ (१७:००–१९:००): प्रारम्भिक उम्मेदवार नामावली प्रकाशन गरिनेछ।
उजुरी र अन्तिम नामावली असोज २२ (१०:००–१५:००): उम्मेदवारविरुद्ध उजुरी दर्ता गर्ने समय।
असोज २२ (१५:००) देखि असोज २३ (१७:००): उजुरीको छानबिन र निर्णय।
असोज २३ (१७:००–१९:००): संशोधित उम्मेदवार नामावली सार्वजनिक गरिनेछ।
नाम फिर्ता र निर्वाचन चिन्ह असोज २४ (१०:००–१३:००): उम्मेदवारी फिर्ता लिन सकिने समय।
असोज २४ (१३:००–१५:००): अन्तिम उम्मेदवार नामावली प्रकाशन।
असोज २४ (१५:००–१८:००): उम्मेदवारलाई निर्वाचन चिन्ह प्रदान गरिनेछ।
मतदान र प्रचार निषेध कात्तिक १४ राति १२:०० देखि प्रचार–प्रसार निषेध अवधि सुरु हुनेछ।
कात्तिक १७ (०७:००–१७:००): मतदान समय निर्धारण गरिएको छ।
निर्वाचन आयोगले स्मरण गराएको छ कि २०७९ सालको प्रतिनिधि सभा समानुपातिक तर्फबाट निर्वाचित भएका व्यक्तिहरू यो उपनिर्वाचनमा उम्मेदवार बन्न अयोग्य छन्।
साथै आयोगले स्पष्ट पारेको छ कि मतगणना प्रक्रिया सबै मतपेटिका निर्वाचन अधिकृतको कार्यालयमा पुगेपछि मात्र सुरु गरिनेछ।
