नेपाल आयल निगमले पेट्रोल महँग्यायो, डिजेल–मट्टीतेल सस्तो

काठमाडौं — नेपाल आयल निगमले इन्धनको मूल्य समायोजन गर्दै पेट्रोल महँग्याएको छ भने डिजेल र मट्टीतेल सस्तो बनाएको छ।

निगमका अनुसार पेट्रोल प्रतिलिटर दुई रुपैयाँले बढाइएको छ। नयाँ दरअनुसार तेस्रो वर्गमा पेट्रोल प्रतिलिटर १६१ रुपैयाँ पर्नेछ।

त्यस्तै, डिजेल र मट्टीतेल प्रतिलिटर एक–एक रुपैयाँले सस्तो हुँदै १४९ रुपैयाँ कायम गरिएको छ। निगमले लागू हुने नयाँ मूल्य शुक्रबार राति १२ बजेदेखि प्रभावकारी हुने जनाएको छ।