ब्राउन सुगरसहित तीन जना पक्राउ, हवाई फायर गरी नियन्त्रणमा
असार २२, २०८२ | आइतबार
विराटनगर | मोरङको रंगेलीबाट ४२५ ग्राम ब्राउन सुगर, नगद र मोबाइलसहित तीन जना लागुऔषध कारोबारीलाई प्रहरीले आइतबार दिउँसो हवाई फायर गर्दै नियन्त्रणमा लिएको छ।
नेपाल प्रहरीको लागुऔषध नियन्त्रण ब्युरो काठमाडौं, ब्युरो विराटनगर, र रंगेली प्रहरीको संयुक्त टोलीले रंगेली नगरपालिका–८ स्थित डिल्लीराम श्रेष्ठको घरबाट उनीहरूलाई पक्राउ गरेको हो।
पक्राउ पर्नेहरू कृत्यानन्द ठाकुर (५४), भाडामा बस्ने – रंगेली–८
सुशील बुढाथोकी (३०), सोही वडाबाट
बिजली खातुन उर्फ हसिना (५०), भारतको अररिया जिल्ला, कुर्शाकट्टा
के-के बरामद? ४२५ ग्राम ब्राउन सुगर जस्तो देखिने पदार्थ
नगद रू. १,२१,०००
४ थान आइफोन
प्रहरीका अनुसार कृत्यानन्द ठाकुरको डेराबाट ती सामग्रीहरू फेला परेका हुन्। पक्राउको क्रममा एक राउण्ड हवाई फायर गरिएको थियो।
स्रोतको जानकारी डीएसपी कोपिला चुँडालका अनुसार, गोप्य सूचनाको आधारमा प्रहरी टोली खटिएको थियो। अहिले पक्राउ परेका तीनै जनामाथि आवश्यक अनुसन्धान सुरु गरिएको छ।
