गुल्मीमा सवारी दुर्घटना : सोह्र जना घाइते
गुल्मी — जिल्लाको रेसुङ्गा नगरपालिका–४ स्थित छल्दीपनाहमा आज यात्रुबाहक बस दुर्घटनामा सोह्र जना घाइते परेका छन्।
बुटवलबाट मालिका गाउँपालिका–५ अर्जै छापतर्फ जाँदै गरेको लु १ ख ७७७६ नम्बरको बस सडकबाट पाँच मिटर तल खसेको थियो। प्रहरी प्रवक्ता गंगा बहादुर सारुको अनुसार ओरोला र घुम्टीमा ब्रेक फेल भएर दुर्घटना भएको हो।
घाइतेहरू मध्ये सहचालक दीपक पराजुलीलाई गम्भीर चोटका कारण पाल्पाको मिसन अस्पतालमा सर्बाइँ गरिएको छ। बाह्र जनाको जिल्ला अस्पताल तम्घासमा उपचार भइरहेको छ भने तीन जना उपचारपछि छोडिएका छन्।
सबै घाइते गुल्मीको इस्मा गाउँपालिका–६ अमरपुरका स्थानीय बासिन्दा हुन्। घाइतेहरूमा नबिन महत, रेशम भण्डारी, हरिकला कुमाल, राधिका बस्नेत, कोपिला बस्नेत, अनिल बस्नेत, सरिता कुमाल, कृष्ण कुमाल, सन्त बहादुर कुमाल, चन्द्री कुमाल, ईश्वर कुमाल, सरिता मतह, सचिन महत र लक्ष्मी बिष्ट रहेका छन्।
प्रहरीले दुर्घटनाको कारण तथा सम्पूर्ण परिस्थितिको अनुसन्धान सुरु गरेको छ। स्थानीय प्रशासनले घाइतेहरूको उपचारमा सहयोग गर्दै आएको छ।
