अस्ट्रेलियाका पूर्वकप्तान माइकल क्लार्कलाई पुनः छालाको क्यान्सर, स्वास्थ्यबारे सचेत रहन आग्रह
काठमाडौं — अस्ट्रेलियाका पूर्वकप्तान तथा चर्चित ब्याट्सम्यान माइकल क्लार्क छालाको क्यान्सरबाट पीडित भएको खुलासा गरेका छन्। ४४ वर्षीय क्लार्कले सामाजिक सञ्जालमार्फत जानकारी दिँदै नियमित स्वास्थ्य परीक्षण गर्न सबैलाई आग्रह गरेका छन्।
उनले इन्स्टाग्राममा लेख्दै भने, *“छालाको क्यान्सर अष्ट्रेलियामा विशेष खतरनाक छ। आज मेरो नाकबाट अर्को क्यान्सरयुक्त गाँठो हटाइयो। कृपया आफ्नो छालाको जाँच गरिरहनुहोस्, प्रारम्भिक पहिचान नै जीवनरक्षक हुन्छ।”*
क्लार्कलाई पहिलोपटक २००६ मा छालाको क्यान्सर पत्ता लागेको थियो। पछि २०१९ मा पनि उनलाई तीन वटा गैर–मेलानोमा घाउ भेटिएको थियो। त्यतिबेला उनले जनतालाई घामबाट जोगिन सावधानी अपनाउन र नियमित परीक्षण गर्न सचेत गराएका थिए।
#### क्लार्कको क्रिकेट यात्रा
* २००३ देखि २०१५ सम्म अस्ट्रेलियाका लागि खेल्दै उनले ११५ टेस्टमा ८६४३ रन, २४५ एकदिवसीयमा ७९८१ रन र ३४ टी–२० अन्तर्राष्ट्रिय खेल खेले। * उनले अस्ट्रेलियाको तीनै ढाँचामा कप्तानी गरे—४७ टेस्ट, ७४ एकदिवसीय र १८ टी–२०। * उनको कप्तानीमा अष्ट्रेलियाले २०१५ को एकदिवसीय विश्वकप जित्यो। * आक्रामक ब्याटिङ र निर्णायक नेतृत्व शैलीका कारण उनी अष्ट्रेलियाली क्रिकेट इतिहासका उत्कृष्ट खेलाडीमध्ये एक मानिन्छन्।
