Sports
विश्वकपपछि राष्ट्रिय टोलीबाट बिदा लिन सक्ने संकेत मेस्सीको
Bhairahawa Online

काठमाडौँ — अर्जेन्टिनाका कप्तान लियोनेल मेस्सीले आगामी विश्वकपपछि राष्ट्रिय टोलीमा आफ्नो यात्रा अन्त्य हुन सक्ने संकेत दिएका छन्।
एप्पल टिभीसँगको अन्तरवार्तामा ३८ वर्षीय मेस्सीले आगामी सेप्टेम्बर ४ मा ब्यूनस आयर्समा हुने भेनेजुएलाविरुद्धको विश्वकप छनोट खेल आफूका लागि विशेष हुने बताए। उनले उक्त खेल सम्भवतः आफ्नो अन्तिम छनोट खेल हुने खुलासा गर्दै भावनात्मक क्षण हुने उल्लेख गरे।
अर्जेन्टिना यसअघि नै २०२६ को विश्वकपका लागि छनोट भइसकेको छ र दक्षिण अमेरिकी तालिकामा ३५ अंकसहित शीर्ष स्थानमा रहेको छ। मेस्सीले भने विश्वकपपछि राष्ट्रिय टोलीबाट सन्न्यास लिने सम्भावना रहेको जनाएका छन्।
कतार २०२२ को उपाधि विजेता अर्जेन्टिना आगामी विश्वकपमा आफ्नो खिताब जोगाउन मैदानमा उत्रिनेछ।