प्रधानमन्त्री कार्कीः दलहरूको सहभागिता नै निर्वाचनको आधार
काठमाडौँ। अन्तरिम प्रधानमन्त्री सुशीला कार्कीले सर्वदलीय बैठकमा दलहरूको सहभागिता बिना निर्वाचन सम्पन्न हुने विषयमा सरकार पूर्णरूपले सचेत रहेको घोषणा गरेकी छन्। शुक्रबार शीतलनिवासमा भएको बैठकलाई सम्बोधन गर्दै उनले स्वतन्त्र, निष्पक्ष र भयमुक्त वातावरणमा निर्वाचन गराउन सरकारले पूर्ण सुरक्षाको व्यवस्था गर्ने बचना दिएकी छन्।
राष्ट्रपतिका प्रेस सल्लाहकार किरण पोखरेलको अनुसार प्रधानमन्त्री कार्कीले विभिन्न दलहरूले व्यक्त गरेका आशंका र मागहरूप्रति सहानुभूति राख्दै यी समस्याहरूलाई समाधान गर्दै अगाडि बढ्न आह्वान गरेकी छन्। उनले जनआकांक्षालाई आत्मसात गर्न सबै दलहरू एकजुट हुनुपर्ने आवश्यकतामा जोड दिएकी छन्।
यसअघि राष्ट्रपति रामचन्द्र पौडेलले देश, जनता र संविधानको हितका लागि निर्वाचन नै एकमात्र विकल्प रहेको बताउँदै फागुन २१ मा तोकिएको प्रतिनिधिसभा निर्वाचनमा सबै दलहरू केन्द्रित हुन आग्रह गरेका थिए।
बैठकमा सहभागी विभिन्न राजनीतिक दलका नेताहरूले लोकतन्त्रमा आफूहरूको अटुट विश्वास रहेको बताउँदै तयारी रहेको घोषणा गरे। तथापि उनीहरूले हालको सुरक्षा अवस्थामा स्वतन्त्र र निष्पक्ष निर्वाचन सम्पन्न हुनेबारे सिर्जिएको संशयलाई पनि उजागर गरेका थिए।
