पूर्व सभामुख कृष्णबहादुर महरा सुन तस्करी आरोपमा पक्राउ
काठमाडौँ। नेकपा (माओवादी केन्द्र) का वरिष्ठ नेता तथा पूर्व प्रतिनिधिसभा सभामुख कृष्णबहादुर महरा सुन तस्करी आरोपमा नेपाल प्रहरीद्वारा पक्राउ परेका छन्। प्रहरी प्रवक्ता विनोद घिमिरेको अनुसार महरालाई ललितपुरबाट नियन्त्रणमा लिइएको हो।
नेपाल प्रहरीको केन्द्रीय अनुसन्धान ब्युरो (सीआईबी) ले 'ब्रेक सु' मा लुकाएर ल्याइएको ६१ किलो सुन तस्करी प्रकरणमा अनुसन्धान गर्दै महरालाई पक्राउ गरेको हो। यसअघि सोही प्रकरणमा प्रहरीले केही दिनअघि महराको बयान लिएको थियो।
गत २०८० साल चैत्र ५ मा महरा पहिलोपटक पक्राउ परेका थिए तर पछि सरकारी वकिल कार्यालयले उनलाई हाजिरी जमानतामा छोडेको थियो। 'ब्रेक सु' मा लुकाएर ल्याइएको ६१ किलो सुन र विद्युतीय चुरोटमा लुकाएर ल्याइएको ९ किलो सुन तस्करी प्रकरणमा महराको नाम संलग्न देखिएको थियो।
पूर्वन्यायाधीश डिल्लीराज आचार्य नेतृत्वको सुन तस्करी अनुसन्धान आयोगले आफ्नो प्रतिवेदनमा महराविरुद्ध मुद्दा चलाउन सिफारिस गरेको थियो। प्रहरीको अनुसार महराले ८ करोड ५५ लाख २८ हजार ३ सय मूल्यको सुन बेचबिखन गरी संगठित आपराधिक लाभ लिएको खुल्न आएपछि उनलाई पक्राउ गरिएको हो।
