असोज १ गते सार्वजनिक बिदा, राष्ट्रिय शोक मनाउने सरकारको निर्णय

काठमाडौं – सरकारले आगामी असोज १ गतेलाई राष्ट्रिय शोक दिवसका रूपमा मनाउने निर्णय गरेको छ। सोमबार बसेको मन्त्रिपरिषद् बैठकले सो दिन सार्वजनिक बिदा दिने र देशभर झन्डा आधा झुकाएर शोक मनाउने व्यवस्था गर्ने निर्णय गरेको हो।

गृह तथा कानुन मन्त्री ओमप्रकाश अर्यालका अनुसार राष्ट्रिय शोक दिवसमा मुलुकभर शान्तिपूर्ण वातावरणमा श्रद्धाञ्जली अर्पण गरिनेछ।