नुवाकोटमा बाढीले बगाउँदा एक बालिकाको मृत्यु, तीन घाइते

नुवाकोट – विद्यालयबाट घर फर्किँदै गरेका बालबालिकालाई बाढीले बगाउँदा नुवाकोटको चिलाउनेगाउँमा एक छात्राको ज्यान गएको छ भने तीन जना घाइते भएका छन्।

तादी गाउँपालिका–२ मा रहेको चिलाउने आधारभूत विद्यालयबाट फर्कने क्रममा स्थानीय चिलाउने खोलाले बगाउँदा ६ वर्षीया सुशीकला तामाङको घटनास्थलमै मृत्यु भएको वडाध्यक्ष वच्चुराम तामाङले पुष्टि गरेका छन्।

सोही घटनामा परेर कक्षा १ की सुष्मा तामाङ, कक्षा २ की ७ वर्षीया ज्योति तामाङ र जोयश तामाङ घाइते भएका छन्। उनीहरूलाई तत्कालै उद्धार गरी चिलाउने प्राथमिक स्वास्थ्य केन्द्रमा उपचार गरिएको छ। प्रहरीका अनुसार घाइतेको अवस्था अहिले स्थिर छ।