माधव नेपालको भनाइ : “नेकपा (एस) का लागि मुख्य चुनौती केपी ओली”
काठमाडौँ — नेकपा एकीकृत समाजवादी (नेकपा एस) का अध्यक्ष माधवकुमार नेपालले आफ्नो पार्टीका लागि सबैभन्दा ठूलो समस्या एमाले अध्यक्ष केपी शर्मा ओली भएको टिप्पणी गरेका छन्।
शुक्रबार काठमाडौं क्षेत्र नम्बर ७ निर्वाचन क्षेत्रीय कमिटीले आयोजना गरेको कार्यक्रममा बोल्दै उनले एमाले नेतृत्व, विशेषगरी ओलीकै कारण पार्टी चुनौतीपूर्ण अवस्थामा रहेको बताए।
नेपालका अनुसार कांग्रेसलाई मात्र विरोधी ठान्ने, माओवादीसँगको सम्बन्ध तोड्ने र पार्टीलाई एक्लै कमजोर बनाउने सोच गलत हो। उनले पूर्वराष्ट्रपति विद्यादेवी भण्डारीलाई गत वर्ष सदस्यता दिने बेला ओलीले दिएको आश्वासन अहिले उल्टो भएर भण्डारीविरुद्ध लाग्ने रूप लिएको जिकिर गरे।
त्यस्तै उनले पार्टीभित्रै केही नेताहरू अनुशासनहीन गतिविधिमा संलग्न भएको उल्लेख गर्दै त्यस्ता कार्य सह्य नहुने चेतावनी दिए। असहमति भए महाधिवेशनमार्फत प्रतिस्पर्धा गर्न सक्ने चुनौतीसमेत उनले असन्तुष्ट नेताहरूलाई दिए।
