स्कुटर र बस दुर्घटनामा युवकको मृत्यु

तनहुँ। बन्दीपुर गाउँपालिका-४ बिमलनगरमा बस र स्कुटर बीच भएको सडक दुर्घटनामा एक युवकको मृत्यु भएको छ। शनिबार दिउँसो भएको यो दुर्घटनामा गोरखा धार्चे गाउँपालिका-७ का २८ वर्षीय पनराम गुरुङ स्कुटर चालकको उपचारको क्रममा मृत्यु भएको हो।

ग.१ ख ९७०८ नम्बरको बस र ग.२६ प ९२८७ नम्बरको स्कुटर बीच ठोक्किँदा गम्भीर घाइते भएका गुरुङलाई चितवनस्थित सीएमसी अस्पतालमा लगिएको थियो। दुर्घटनामा स्कुटरमा सवार अर्को एक जना घाइते भएका छन् भने उनको उपचार सोही अस्पतालमा जारी छ।

प्रहरीले दुर्घटनासम्बन्धी छानबिन गरिरहेको छ र बस चालकलाई नियन्त्रणमा लिई रहेको छ। यो दुर्घटनापछि क्षेत्रमा सडक सुरक्षाको विषयमा चासो बढेको छ।